У Гановеры прайшло мерапрыемства, прысвечанае палітычным рэпрэсіям у Беларусі, зняволеным прафсаюзным актывістам і ролі міжнароднай салідарнасці. Сустрэчу арганізавалі нямецкі прафсаюз IG BCE і Salidarnast e.V.

Напярэдадні вынясення прысуду па справе Ганконгскага альянсу ў падтрымку патрыятычных дэмакратычных рухаў Кітая (Hong Kong Alliance) па абвінавачаннях, звязаных з нацыянальнай бяспекай, па ўсім свеце разгарнулася скаардынаваная кампанія салідарнасці.

Пра гэта на сваёй старонцы ў Facebook распавёў старшыня Беларускага кангрэса дэмакратычных прафсаюзаў (БКДП) Аляксандр Ярашук.

У Мінэапалісе (ЗША) адбыўся 30-ы Канстытуцыйны кангрэс Амерыканскай федэрацыі працы-Кангрэса вытворчых прафсаюзаў (AFL-CIO), які сабраў тысячы прафсаюзных лідараў і актывістаў з розных краін свету. Форум прайшоў пад лозунгам умацавання адзінства працоўнага руху ва ўмовах росту аўтарытарных тэндэнцый, нападаў на працоўныя правы і глыбокіх змен на рынку працы.

На 54-м з’ездзе CGT, які праходзіць у горадзе Тур з 1 па 5 чэрвеня, беларускі незалежны прафсаюзны рух прадставіў намеснік старшыні БКДП Сяргей Антусевіч.

Падчас 23-га федэральнага кангрэса Канфедэрацыі нямецкіх прафсаюзаў (DGB) у Берліне старшыня Беларускага кангрэса дэмакратычных прафсаюзаў Аляксандр Ярашук і выканаўчая дырэктарка Salidarnast e.V. Лізавета Мерляк сустрэліся з прадстаўнікамі Іранскай канфедэрацыі працы ў выгнанні (ILC).

20 красавіка, у чацвёртую гадавіну свайго арышту, лідар Беларускага кангрэса дэмакратычных прафсаюзаў Аляксандр Ярашук прыняў удзел у пасяджэнні Выканаўчай рады Аўстрыйскай федэрацыі прафсаюзаў (ÖGB). Падчас візіту ў Аўстрыю ён падзякаваў аўстрыйскім прафсаюзнікам за падтрымку і падкрэсліў, што міжнародная салідарнасць стала адным з фактараў, якія спрыялі яго вызваленню.

У межах 356-й сесіі Адміністрацыйнага савета Міжнароднай арганізацыі працы старшыня Беларускага кангрэса дэмакратычных прафсаюзаў Аляксандр Ярашук падзякаваў МАП і Групе працоўных за салідарнасць і падтрымку, аказаныя яму падчас зняволення ў Беларусі.

Міжнародная прафсаюзная салідарнасць пачынаецца там, дзе абарона правоў работнікаў выходзіць за межы нацыянальных межаў. У гэтым тэксце прадстаўнік IG Metall Ульрых Брайтбах тлумачыць, чаму нямецкія прафсаюзы паслядоўна падтрымліваюць незалежны прафсаюзны рух у Беларусі. З гэтымі думкамі ён выступіў на адкрыцці выставы, прысвечанай прафсаюзным палітычным зняволеным.

У Доме прафсаюзаў Брэмена Salidarnast / БКДП сумесна з DGB Bremen адкрылі выставу з партрэтамі прафсаюзных палітвязняў, якія сёння знаходзяцца ў беларускіх турмах. У фае будынка былі размешчаны ролапы з фотаздымкамі і інфармацыяй пра рэпрэсіі супраць незалежнага прафсаюзнага руху ў Беларусі.

\У Рыме адбыўся буйны прафсаюзны форум, прымеркаваны да 76-годдзя Італьянскага саюза працы (UIL) — аднаго з трох найбуйнейшых нацыянальных прафцэнтраў Італіі. У мерапрыемстве ўзяў удзел Максім Пазнякоў, які прадстаўляў БКДП.

У Брэмене на Рынкавай плошчы прайшоў мітынг салідарнасці з Украінай у гадавіну пачатку поўнамаштабнай агрэсіі Расіі. Расійская вайна супраць Украіны працягваецца ўжо чацвёрты год, і ў гэты дзень у цэнтры горада сабраліся жыхары, актывісты і прадстаўнікі розных арганізацый, каб падтрымаць украінцаў, якія працягваюць супраціў.

13–15 лютага 2026 года ў Германіі адбылася сустрэча беларускай дыяспары «Майстэрня будучыні», якая аб’яднала прадстаўнікоў розных ініцыятыў і напрамкаў — праваабарончых, медыйных, культурных, ІТ-супольнасцяў і прафсаюзаў. Арганізацыю Salidarnast e.V. на мерапрыемстве прадстаўлялі Марыя Тарадэцкая і Святлана Ушчапоўская.

11 лютага 2026 года ў Варшаве адбылася сустрэча старшыні польскага прафсаюза NSZZ «Solidarność» Пятра Дуды і яго намеснікаў з лідарамі Беларускага кангрэса дэмакратычных прафсаюзаў (БКДП), які пасля ліквідацыі незалежных прафсаюзаў у 2022 годзе працягвае дзейнасць у эміграцыі.

26 студзеня ў ратушы Брэмена адбылася сустрэча старшыні Беларускага кангрэса дэмакратычных прафсаюзаў (БКДП) Аляксандра Ярашука з прэзідэнтам Федэральнай рады Германіі і мэрам Свабоднага ганзейскага горада Брэмена Андрэасам Бовеншультэ. У сустрэчы таксама прынялі ўдзел прадстаўнікі Salidarnast e.V. і старшыня брэменскага аддзялення Германскага аб'яднання прафсаюзаў (DGB) Крысціян Вехсельбаўм.

Да Дня палітычных зняволеных, які штогод адзначаецца 30 кастрычніка, нямецкі дэпутат Бундэстага Хельге Лімбург (Helge Limburg) зноў звярнуўся з лістом да свайго палітычнага хроснага — Андрэя Пагерыла, слесара-рамонтніка ААТ «Гродна Азот» і сябра Беларускага Незалежнага прафсаюза пазбаўлення волі па справе "Рабочага Руху".

Прэзідэнтка Аўстралійскай рады прафсаюзаў (ACTU) Мішэль А’Ніл сустрэлася з лідаркай беларускай дэмакратычнай апазіцыі Святланай Ціханоўскай падчас яе візіту ў Аўстралію. Пра сустрэчу яна паведаміла на сваёй старонцы ў Instagram, зазначыўшы, што Ціханоўская - «натхняльны і бясстрашны голас за свабодную і дэмакратычную Беларусь».

Пасля ліквідацыі незалежных прафсаюзаў у Беларусі Асацыяцыя "Салідарнасць" стала голасам працоўных і платформай для ідэі пабудовы дэмакратычнага грамадства.

В.а. старшыні Беларускага кангрэса дэмакратычных прафсаюзаў (БКДП) Максім Пазнякоў і прадстаўніца асацыяцыі Salidarnast e.V. Лізавета Мерляк прынялі ўдзел у з'ездзе нямецкага прафсаюза гарнякоў, хімікаў і энергетыкаў IG BCE, які прайшоў у Германіі.

Беларускі кангрэс дэмакратычных прафсаюзаў (БКДП) накіраваў віншаванне польскаму прафсаюзу "Салідарнасць" з нагоды яго 45-годдзя. Ліст падпісалі выконваючы абавязкі старшыні Максім Пазнякоў і намеснік старшыні Сяргей Антусевіч.