Вязь нi
Нашы браты і сёстры, якія былі зняволеныя рэжымам за свае перакананні
Рабочы Рух
Ганна Аблаб
Інжынер Цэнтра кіравання перавозкамі Беларускай чыгункі ў аддзеле распрацоўкі раскладу руху цягнікоў. Затрыманая аператыўнікамі КДБ 20 верасня 2021 года пасля ператрусу ў яе дома і змешчана ў СІЗА КДБ. Абвінавачвалася па ч.1 арт.356 Крымінальнага кодэкса Рэспублікі Беларусь. Асуджана на 11 гадоў калоніі. У яе двое непаўналетніх дзя цей.
БНП
Андрэй Ханевіч
Старшыня Беларускага Незалежнага прафсаюза на ААТ «Гродна Азот». Пасля судовага рашэння, паводле якога прафсаюзная арганізацыя была прызнаная экстрэмісцкім фарміраваннем, у дачыненні да старшыні была распачатая крымінальная справа. 16 лістапада 2022 года Андрэй Ханевіч паўстаў перад судом па абвінавачанні ў садзейнічанні экстрэмісцкай дзейнасці і быў асуджаны да пяці гадоў пазбаўлення волі.
СПБ
Артур Хлус
Артур Хлус — фельчар гродзенскай брыгады хуткай дапамогі, студэнт Гродзенскага дзяржаўнага медыцынскага ўніверсітэту. Быў затрыманы напрыканцы кастрычніка 2022 года за рэгістрацыю ў плане "Перамога" і за ўдзел у пратэстах.
Артура абвінавачваюць паводле ч. 2 арт. 293 КК (удзел у масавых беспарадках).
19 траўня 2023 г. КДБ дадаў палітзняволенага ў спіс "асоб, якія маюць дачыненне да тэрарыстычнай дзейнасці".
Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
22 чэрвеня 2023 г. суд прызнаў Артура Хлуса вінаватым і пакараў пазбаўленнем волі тэрмінам на пяць гадоў у калоніі ва ўмовах узмоцненага рэжыму.
РЭП
Вацлаў Арэшка
Актывіст прафсаюза РЭП, рэдактар прафсаюзнай газеты. Затрыманы 19 красавіка 2022 года пасля ператрусу ў кватэры. 5 студзеня 2023 г. быў вынесены прысуд - восем гадоў пазбаўлення волі. На момант вынясення прысуду актывiст знаходзiўся ў Магілёўскай турме № 4.
РЭП
Арцём Пархамовіч
Былы супрацоўнік «Белтэлекама», сябра прафсаюза РЭП Арцём Пархамовіч быў затрыманы ў кастрычніку 2020 года. Яго змясцілі ў СІЗА і абвінавацілі ў перадачы асабістых дадзеных міліцыянтаў у тэлеграм-канал.
25 лістапада 2021 года пачаўся суд, які праходзіў у закрытым рэжыме і на якім стала вядома, што Арцёма абвінавачваюць агулам па васьмі артыкулах Крымінальнага кодэкса: 130, 198, 203-1, 352, 364, 365, 366, 389 (саўдзел у наўмысных дзеяннях, накіраваных на распальванне іншай сацыяльнай варожасці і розні па глебе іншай сацыяльнай прыналежнасці, учыненыя групай асоб, і г.д.).
8 лютага 2022 года Мінгарсуд прысудзіў Арцёма да 11 гадоў калоніі ўзмоцненага рэжыму.
Рабочы Рух
Уладзiмiр Жураўка
Аператар цэха Аміяк-3 ААТ «Гродна Азот». Ён быў затрыманы 18 верасня 2021 года. Быў асуджаны ў межах крымінальнай справы аб «дзяржаўнай здрадзе» (арт. 356 Крымінальнага кодэкса) па справе «Рабочага Руху». Асуджаны на 15 гадоў пазбаўлення волі.
СПБ
Руслан Бадамшын
Руслана Бадамшына затрымлівалі як мінімум пяць разоў пасля выбараў - супраць яго складалі пратаколы і арыштоўвалі. Апошні раз лекара затрымалі раніцай 28 лютага. Супраць яго ўзбудзілі крымінальную справу за фота з акцый пратэсту ў 2020 годзе ў Мінску.
У судзе Фрунзенскага раёна Мінска 7 траўня 2024 года адбыўся разгляд справы паводле арт. 342 Крымінальнага кодэкса (актыўны ўдзел у дзеяннях, якія груба парушаюць грамадскі парадак). Прысуд - тры гады абмежавання волі без накіравання ў ПУАТ.
У чэрвені 2025 г. стала вядома, што Руслан арыштаваны і ўтрымліваецца ў СІЗА № 1 паводле арт. 361-4 Крымінальнага кодэксу (садзейнічанне экстрэмісцкай дзейнасці) паводле "справы Гаюна".
У пачатку 2026 г. стала вядома, што палітвязню прызначылі два з паловай гады пазбаўлення волі ва ўмовах агульнага рэжыму.
Рабочы Рух
Андрэй Пагерыла
Слесар-рамонтнік цэха Аміяк-3 ААТ «Гродна Азот». Быў затрыманы 17 верасня 2021 года. Утрымліваецца пад вартай у рамках расследавання крымінальнай справы аб «дзяржаўнай здрадзе» (арт. 356 Крымінальнага кодэкса) па справе «Рабочага Руху». Асуджаны на 14 гадоў пазбаўлення волі. У Андрэя двое непаўналетніх дзяцей.
Рабочы Рух
Валянцiн Тераневiч
Памочнік майстра завода «Хімвалакно» ААТ «Гродна Азот» і намеснік старшыні Беларускага Незалежнага Прафсаюза «Гродна Азот».
Быў затрыманы 20 верасня 2021 года. Абвінавачваны ў «дзяржаўнай здрадзе» (арт. 356 КК) па справе «Рабочага Руху». Асуджаны на 12 гадоў пазбаўлення волі.
.png)
РЭП
Аляксандр Мураўёў
Аляксандр, кiроўца таксi i актывiст прафсаюзу РЭП, быў затрыманы па справе ініцыятывы "Буслы ляцяць" 25 мая 2021 года.
Напрыканцы верасня 2022 г. суддзя Мінскага гарадсога суда Анастасія Папко абвесціла прысуды па справе ініцыятывы "Буслы ляцяць", прызначыўшы Аляксандру Мураўёву — 12 гадоў калоніі ўзмоцненага рэжыму паводле артыкулаў 361, 218, 361-1, 130, 290-4, 359 Крымiнальнага Кодексу.
Справу "Буслоў" разглядалі ў закрытым рэжыме некалькi месяцаў. З боку дзяржаўнага абвінавачвання па справе выступiа пракурорка Юлія Ланеўская.
У Аляксандра ёсць маленькае дзiця.
Рабочы Рух
Сяргей Дзюба
Актывіст Рабочага Руху, працаваў у Цэнтры кіравання перавозкамі Беларускай чыгункі цягніковым дыспетчарам. У лістападзе 2020 года ён далучыўся да агульнанацыянальнай забастоўкі.
Затрыманы аператыўнікамі КДБ 20 верасня 2021 года пасля ператрусу дома і змешчаны ў СІЗА КДБ. Выстаўлена абвінавачанне па ч.1 арт.356 Крымінальнага кодэкса Рэспублікі Беларусь. Асуджаны на 12 гадоў пазбаўлення волі. У яго трое непаўналетніх дзяцей.
Рабочы Рух
Iгар Мiнц
Юрысконсульт ААТ «Нафтан». Быў затрыманы і этапаваны ў СІЗА КДБ у Мінску на наступны дзень пасля ператрусу ў яго дома ў Наваполацку 22 верасня 2021 года.
Мінц быў абвінавачаны ў здрадзе дзяржаве (арт. 356 КК) па справе «Рабочага Руху». Асуджаны на 12 гадоў пазбаўлення волі.
Рабочы Рух
Аляксандр Гашнiкаў
Аляксандр быў затрыманы 18 верасня 2021 году. Ён утрымліваецца пад вартай у рамках расследавання крымінальнай справы аб «дзяржаўнай здрадзе» (арт. 356 КК) у дачыненні да некалькіх супрацоўнікаў беларускіх заводаў, якія падтрымлівалі мясцовыя страйкі пасля фальсіфікацыі жнівеньскіх выбараў. 2020 і ўваходзілі ў працоўную праваабарончую групу «Рабочы рух». Асуджаны на 14 гадоў пазбаўлення волі.
Рабочы Рух
Сяргей Шамецька
Сяргей, супрацоўнік ЗАТ "Атлант", з'яўляецца абвінавачаным па справе "Рабочага Руху".
Ён знаходзіўся пад крымінальным пераследам за дзяржаўную здраду (ч. 1 арт. 356 КК РБ), а таксама па ч. 3 арт. 361-1 КК РБ (удзел у экстрэмісцкім фармаванні). 9 лістапада 2022 года ў Гомельскім абласным судзе пачаўся разгляд справы "Рабочага Руху", па якой праходзілі дзесяць палітвязняў. 17 лютага 2023 года Гомельскі абласны суд вынес прысуд - 12 гадоў пазбаўлення волі ўзмоцненага рэжыму.
Рабочы Рух
Сяргей Шэлест
Аператар цэха Аміяк-3 ААТ «Гродна Азот». Яго затрымалі ў межах расследавання крымінальнай справы аб «дзяржаўнай здрадзе» (арт. 356 Крымінальнага кодэкса) па справе «Рабочага Руху».
Асуджаны на 14 гадоў пазбаўлення волі.
БНП
Вольга Брыцiкава
Вольга, былая старшыня пярвічнай прафсаюзнай арганізацыі Беларускага незалежнага прафсаюза (БНП) на ААТ «Нафтан», была зноў затрыманая 11 жніўня АМАПам.
Справа супраць Брыцікавай пачалася ў сакавіку 2024 года. 8 красавіка Віцебскі абласны суд прыгаварыў яе да 3 гадоў калоніі па абвінавачанні ў распальванні варожасці (артыкул 130 КК). Аднак 20 жніўня актывістку зноў пачалі судзіць, на гэты раз па артыкулах аб закліках да дзеянняў супраць нацбяспекі (частка 3 артыкула 361 КК) і садзейнічанні экстрэмісцкай дзейнасці (частка 1 артыкула 361-4 КК).
Суд праходзіў у закрытым рэжыме, і Вользе Брыцікавай дадалі тры гады калоніі да яе папярэдняга тэрміну.
У выніку актывістка атрымала канчатковы прысуд у выглядзе 6 год пазбаўлення волі.
Рабочы Рух
Аляксандр Капшуль
Юрысконсульт на заводах ААТ «Нафтан» і «Палімір». Капшуль быў затрыманы 25 верасня 2021 года ў Расіі. Яго перадалі супрацоўнікам КДБ Беларусі, якія таемна даставілі яго ў Менск у абыход фармальнай працэдуры экстрадыцыі. Ён утрымліваецца пад вартай у рамках расследавання крымінальнай справы аб «дзяржаўнай здрадзе» (арт. 356 КК) у дачыненні да некалькіх супрацоўнікаў беларускіх заводаў, якія падтрымлівалі мясцовыя страйкі пасля фальсіфікаваных выбараў у жніўні 2020 года і ўваходзілі ў «Рабочы Рух». Асуджаны на 15 гадоў пазбаўлення волі.
10 красавіка 2024 г., у Бабруйску адбыўся суд па справе аб замене палітвязню рэжыму ўтрымання. Па рашэнні суддзі Паўла Карцініна, Аляксандра перавялі на турэмны рэжым.
СПМ
Ганна Карнеенка
Ганна, былы бухгалтар Мінскага электратэхнічнага завода імя Вавілава і сябра прафсаюза СПМ, была звольнена пасля "Народнага ўльтыматума" ў 2020 годзе і судзілася з прадпрыемствам па факце незаконнага звальнення. Нядаўна стала вядома, што на яе заведзена крымінальная справа.
Жанчыне прад'яўлены абвінавачанні па арт. 203-1 ч. 3 (незаконныя дзеянні ў адносінах да інфармацыі аб прыватным жыцці і асабістых дадзеных), арт. 130 ч. 3 (распальванне расавай, нацыянальнай, рэлігійнай ці іншай сацыяльнай варожасці). Суд прызнаў Ганну вінаватай і прысудзіў ёй пяць гадоў пазбаўлення волі.
