У МАП Аляксандр Ярашук заклікаў працягваць дамагацца вызвалення палітвязняў
- 1 day ago
- 1 min read
У межах 356-й сесіі Адміністрацыйнага савета Міжнароднай арганізацыі працы старшыня Беларускага кангрэса дэмакратычных прафсаюзаў Аляксандр Ярашук падзякаваў МАП і Групе працоўных за салідарнасць і падтрымку, аказаныя яму падчас зняволення ў Беларусі.
Выступаючы на пасяджэнні ACTRAV, Аляксандр Ярашук таксама заклікаў да працягу міжнароднай падтрымкі ўсіх прафсаюзных лідараў і актывістаў, якія па-ранейшаму застаюцца за кратамі ў Беларусі.
Падчас цяперашняй сесіі Адміністрацыйны савет МАП разглядае шэраг краінавых пытанняў, у тым ліку наступныя крокі па выкананні артыкула 33 Статута МАП у дачыненні да Беларусі. Гэтая тэма застаецца прынцыпова важнай, паколькі гаворка ідзе пра рэакцыю міжнароднай супольнасці на сістэматычныя парушэнні свабоды аб’яднання і правоў незалежных прафсаюзаў у краіне.
Удзел Аляксандра Ярашука, былога палітычнага зняволенага і прафсаюзнага лідара, у пасяджэнні мае асаблівае значэнне. Ягоны голас на пляцоўцы МАП з’яўляецца напамінам пра працяг рэпрэсій супраць незалежнага прафсаюзнага руху Беларусі і пра неабходнасць дамагацца вызвалення ўсіх прафсаюзных палітвязняў.
Comments