Супрацоўнікі крамы “Суседзі” ў Слуцку зладзілі стыхійны пратэст – адкрыццё затрымалася на гадзіну

Сёння з раніцы гандлёвая кропка сеткі "Суседзі" на вуліцы Барысаўца, 28 у Слуцку не адкрылася ў звыклы час. Да 7 гадзін раніцы да крамы падыходзілі пакупнікі, але, выявіўшы зачыненыя дзверы, праз некаторы час расчаравана сыходзілі. Пра гэта паведамілі мясцовыя жыхары, даслаўшы ў рэдакцыю фота з месца.

Фота: slutsk-gorod.by

Па інфармацыі партала slutsk-gorod.by, пасля павелічэння рэжыму працы да 2 гадзін ночы задач у персанала стала нашмат больш, супрацоўнікі не раз звярталіся да кіраўніцтва з просьбай падняць заробкі. Сённяшні інцыдэнт стаў апошняй кропляй і спробай дагрукацца да адміністрацыі сеткі.

Каля дзесятка чалавек, якія павінны былі сёння выйсці на змену, узгоднена не адчынілі дзверы крамы. Скандал доўжыўся каля гадзіны, пасля чаго «Суседзі» ўсё ж пусцілі пакупнікоў.

Дакладна не вядома, ці атрымалася ў работнікаў дабіцца нейкіх абяцанняў. Аператыўна атрымаць каментар у кіраўніцтве сеткі рэдакцыі не ўдалося.

Крыніца: Slutsk-Gorod.by

Чытаце гэты тэкст па рус