БКДП павіншаваў польскую "Салідарнасць" з 45-годдзем

Беларускі кангрэс дэмакратычных прафсаюзаў (БКДП) накіраваў віншаванне польскаму прафсаюзу "Салідарнасць" з нагоды яго 45-годдзя. Ліст падпісалі выконваючы абавязкі старшыні Максім Пазнякоў і намеснік старшыні Сяргей Антусевіч.

Пётр Дуда і Аляксандр Ярашук на 40-годдзі «Салідарнасці»

У сваім звароце БКДП адзначыў вялікую ролю "Салідарнасці" ў гісторыі барацьбы працоўных і дэмакратычных рухаў у Еўропе:

Дарагі брат Пётр Дуда!

Дарагія браты і сёстры!

Ад імя Беларускага кангрэсу дэмакратычных прафсаюзаў сардэчна віншуем вас з гэтай цудоўнай датай — 45-годдзем з дня заснавання прафсаюза «Салідарнасць».

За мінулыя дзесяцігоддзі вы сталі сімвалам непахіснай волі працоўных і прыкладам таго, як салідарнасць, мужнасць і вернасць свабодзе могуць змяніць ход гісторыі. Ваша дзейнасць адкрыла новы шлях не толькі для Польшчы, але і дала надзею мільёнам людзей у іншых краінах, у тым ліку Беларусі.

Мы з удзячнасцю ўзгадваем візіт старшыні "Салідарнасці" Пятра Дуды ў Мінск у 2020 годзе — моцны жэст падтрымкі беларускага дэмакратычнага руху і прафсаюзаў. Гэтая падтрымка асабліва каштоўная для нас сёння, калі наш старшыня Аляксандр Ярашук знаходзіцца ў зняволенні за сваю дзейнасць па абароне правоў працоўных і свабоды беларусаў.

Ваш 45-гадовы шлях — гэта гісторыя мужнасці, адзінства і ўрачыстасці чалавечай годнасці. Мы перакананыя, што разам, на аснове гэтых каштоўнасцяў, мы зможам пабудаваць будучыню, вольную ад дыктатур і сацыяльнай несправядлівасці.

Жадаем вам далейшых поспехаў, адзінства і сілы, каб і надалей быць апорай для працоўных Польшчы і прыкладам для ўсяго свету!

З брацкім прывітаннем,

Максім Пазнякоў, в.а. старшыні БКДП

Сяргей Антусевіч, намеснік старшыні БКДП

Польская "Салідарнасць" была заснавана ў 1980 годзе і стала вядучай ва Усходняй Еўропе незалежнай прафсаюзнай сілай, якая адыграла ключавую ролю ў падзенні таталітарнага рэжыму ў Польшчы і развіцці дэмакратычных працэсаў у рэгіёне.

Read in eng or рус