Лідар беларускіх прафсаюзаў сустрэўся з міністрам працы Аўстрыі

21 сакавіка, падчас візіту ў Вену, Аляксандр Ярашук, старшыня Беларускага кангрэса дэмакратычных прафсаюзаў (БКДП), сустрэўся з міністрам працы Аўстрыі Карынай Шуман.

Карына Шуман і Аляксандр Ярашук

Падчас размовы Ярашук выказаў удзячнасць ураду Аўстрыі за паслядоўную падтрымку незалежных прафсаюзаў у межах Міжнароднай Арганізацыі Працы, дзе быў ужыты артыкул 33 Статута МАП у адказ на грубыя парушэнні правоў рабочых у Беларусі. Міністарка, у сваю чаргу, выказала сваю павагу і падтрымку працы, якую Ярашук і яго калегі-прафсаюзнікі працягваюць у выгнанні.

Бакі абмеркавалі канкрэтныя крокі, якія аўстрыйскі ўрад можа зрабіць для далейшай падтрымкі незалежных прафсаюзаў. Адной з ключавых ініцыятыў з’яўляецца арганізацыя трохбаковай сустрэчы паміж урадам, прафсаюзамі і арганізацыяй працадаўцаў для абмеркавання дзеянняў у адпаведнасці з Рэзалюцыяй МАП па Беларусі.

Карынна Шуман пацвердзіла падтрымку Аўстрыяй беларускіх незалежных прафсаюзаў на ўзроўні МАП, асабліва ў той час, калі беларускі ўрад працягвае спробы дыскрэдытаваць рашэнне міжнароднай арганізацыі.

Урад Аўстрыі і надалей цвёрда застаецца на баку свабоднай і дэмакратычнай Беларусі.

Read in eng and rus