У Мінэапалісе (ЗША) адбыўся 30-ы Канстытуцыйны кангрэс Амерыканскай федэрацыі працы-Кангрэса вытворчых прафсаюзаў (AFL-CIO), які сабраў тысячы прафсаюзных лідараў і актывістаў з розных краін свету. Форум прайшоў пад лозунгам умацавання адзінства працоўнага руху ва ўмовах росту аўтарытарных тэндэнцый, нападаў на працоўныя правы і глыбокіх змен на рынку працы.

7 чэрвеня Беларускі кангрэс дэмакратычных прафсаюзаў (БКДП) атрымаў Прэмію імя Джорджа Міні і Лэйна Кіркланда ў галіне правоў чалавека. Гэта ўзнагарода з`яўляецца адной з самых прэстыжных міжнародных прафсаюзных прэмій.

Амерыканская федэрацыя працы – Кангрэс вытворчых прафсаюзаў (AFL-CIO) узнагародзіла Беларускі кангрэс дэмакратычных прафсаюзаў (БКДП) прэміяй George Meany–Lane Kirkland Human Rights Award (прэмія па правах чалавека імя Джорджа Міні і Лэйна Кіркланда). Пра гэта паведамляецца ў афіцыйнай заяве AFL-CIO.