Учора, 31 траўня, адбылася афіцыйная сустрэча Марыі Тарадзецкай, намесніка старшыні асацыяцыі "Салідарнасць" і намесніка старшыні Свабоднага прафсаюза Беларускага (СПБ), і П'ерпаола Бамбардзьеры, генеральнага сакратара прафсаюзнага цэнтра Італьянскі саюз працоўных (UIL).
На сустрэчы прадстаўнікі італьянскага і беларускага прафсаюзаў абмеркавалі складаную сітуацыю з правамі працоўных і свабоды аб'яднанняў у Рэспубліцы Беларусь. Лідар італьянскага саюза зазначыў, што італьянскія прафсаюзы пільна сочаць за сітуацыяй у нашай краіне і выказваюць салідарнасць з беларускімі рабочымі.
П'ерпаола Бамбардзьеры выказаў павагу прафсаюзным лідарам і рабочым, якія ў складаныя часы працягваюць абараняць інтарэсы і правы працоўных. Акрамя таго, UIL гатовы да доўгатэрміновага супрацоўніцтва як з асацыяцыяй "Салідарнасць", так і з Беларускім кангрэсам дэмакратычных прафсаюзаў (БКДП), і аказваць усялякую падтрымку ў вызваленні прафсаюзных зняволеных і дэмакратычных пераўтварэннях у Беларусі.
Італьянскі саюз працоўных (UIL) - нацыянальны прафсаюзны цэнтр Італіі, заснаваны ў 1950 годзе як сацыялістычная, сацыял-дэмакратычная, рэспубліканская і свецкая арганізацыя, якая аддзялілася ад Усеагульнай італьянскай канфедэрацыі працы. На дадзены момант ён прадстаўляе інтарэсы амаль 2,2 мільёна працоўных.