Шведскія аб'яднанні прафсаюзаў, якія аб'ядноўваюць больш за 4 мільёны працоўных, звярнуліся да пасла Беларусі ў Швецыі Дзмітрыя Мірончыка. У лісце лідары Шведскай канфедэрацыі прафсаюзаў (LO), Шведскай канфедэрацыі прафесійных работнікаў (TCO) і Шведскай канфедэрацыі прафесійных асацыяцый (Saco) запатрабавалі неадкладнага вызвалення ўсіх зняволеных прафсаюзных лідараў і абаронцаў дэмакратыі ў Беларусі.
Паважаны спадар Дмітрый Мірончык,
Ад імя Шведскай канфедэрацыі прафсаюзаў (LO), Шведскай канфедэрацыі прафесійных работнікаў (TCO) і Шведскай канфедэрацыі прафесійных асацыяцый (Saco), якія разам прадстаўляюць больш за 4 мільёны працоўных Швецыі, мы заклікаем вас прыняць меры для вызвалення ўсіх зняволеных у турмах прафсаюзных лідараў і абаронцаў дэмакратыі ў Беларусі.
Як вы памятаеце, у некалькіх лістах на ваша імя мы падкрэслівалі нашу сур'ёзную заклапочанасць з нагоды працяглага ціску на незалежныя прафсаюзы ў Беларусі і заклікалі ваш урад спыніць запалохванне і пераслед, уключаючы судовы пераслед прафсаюзных лідараў і сябраў прафсаюзаў. На жаль, мы не можам назіраць якіх-небудзь паляпшэнні ў гэтых пытаннях.
20 снежня старшыня БКДП Аляксандр Ярашук, намеснік старшыні БКДП Сяргей Антусевіч і супрацоўніца ЗМІ БКДП Ірына Бут-Гусаім павінны паўстаць перад судом у Мінску, не будучы вінаватымі ні ў чым іншым, акрамя як у барацьбе за лепшыя ўмовы працы, свабодныя і незалежныя прафсаюзы і дэмакратыю.
Мы заклікаем вас запатрабаваць ад свайго ўраду неадкладнага вызвалення ўсіх вязняў прафсаюзных лідараў і абаронцаў дэмакратыі ў Беларусі і спыніць сістэматычнае парушэнне правоў прафсаюзаў.
Мы салідарныя з БКДП і ўсімі незалежнымі прафсаюзамі.
З павагай,
Сусана Гідэонсан
Прэзідэнт LO
Тэрэза Сванстрэм
Прэзідэнт ТСО
Гёран Арыюс
Прэзідэнт Saco