Памяці Мікалая Галко

13 жніўня на 78-м годзе жыцця сышоў наш брат і сябра Свабоднага прафсаюза металістаў, рэдактар прафсаюзных бюлетэняў СПМ "Рабочая салідарнасць" — Мікалай Галко.

Мікалай Галко

Мікалай Андрэевіч нарадзіўся 14 студзеня 1948 года. Больш за паўстагоддзя свайго жыцця ён прысвяціў журналістыцы. Быў галоўным рэдактарам "Сельскай газеты" і "СБ", а ў 1995-1996 гадах узначальваў самае масавае выданне краіны - "Народную газету". Ён прыйшоў туды пасля таго, як па ўказе Лукашэнкі з пасады галоўнага рэдактара быў звольнены Іосіф Сярэдзіч.

У апошнія гады Мікалай Галко працаваў у свабодным прафсаюзе, рэдагаваў бюлетэнь “Рабочая салідарнасць”, дапамагаючы прафсаюзнаму руху не толькі словам, але і асабістым удзелам. Яго сумленнасць, любоў да Беларусі, прафесіяналізм і вернасць прынцыпам натхнялі нас.

Мы запомнім яго як чалавека высокай культуры, глыбокага розуму і нязменнай адданасці ідэалам справядлівасці.

Чытаць на рас или eng