Прадстаўнікі БКДП сустрэліся з кіраўніцтвам ACTRAV у Жэневе
4 hours ago
1 min read
17 лістапада ў штаб-кватэры Міжнароднай арганізацыі працы ў Жэневе адбылася сустрэча прадстаўнікоў Беларускага кангрэса дэмакратычных прафсаюзаў з Бюро МАП па дзейнасці працоўных — ACTRAV.

Сустрэча прайшла падчас 358-й сесіі Адміністрацыйнага савета МАП, у дзень, калі Савет зноў разглядаў сітуацыю з прафсаюзнымі правамі ў Беларусі і выкананне рашэнняў паводле артыкула 33 Статута МАП.

ACTRAV — падраздзяленне Міжнароднага бюро працы, якое адказвае за ўзаемадзеянне МАП з арганізацыямі работнікаў і прадстаўляе іх інтарэсы ў працы Міжнароднай арганізацыі працы. Цяпер Бюро ўзначальвае Oliver Röpke.

Для БКДП супрацоўніцтва з ACTRAV застаецца адным з асноўных каналаў працы ўнутры МАП пасля ліквідацыі незалежных прафсаюзаў у Беларусі. У папярэднія гады ACTRAV таксама неаднаразова выступала ў падтрымку зняволеных беларускіх прафсаюзных лідараў і за працяг міжнароднага ціску дзеля аднаўлення свабоды аб’яднання ў краіне.



Comments