26 снежня спаўняецца 29 гадоў Арцёму Пархамовічу, былому супрацоўніку "Белтэлекама" і сябру прафсаюза РЭП, прыгаворанаму да 11 гадоў пазбаўлення волі ў калоніі ўзмоцненага рэжыму.
Нагадаем, Былы супрацоўнік «Белтэлекама», сябра прафсаюза РЭП Арцём Пархамовіч быў затрыманы ў кастрычніку 2020 года. Яго змясцілі ў СІЗА і абвінавацілі ў перадачы асабістых дадзеных міліцыянтаў у тэлеграм-канал.
25 лістапада 2021 года пачаўся суд, які праходзіў у закрытым рэжыме і на якім стала вядома, што Арцёма абвінавачваюць агулам па васьмі артыкулах Крымінальнага кодэкса: 130, 198, 203-1, 352, 364, 365, 366, 389 (саўдзел у наўмысных дзеяннях, накіраваных на распальванне іншай сацыяльнай варожасці і розні па глебе іншай сацыяльнай прыналежнасці, учыненыя групай асоб, і г.д.).
8 лютага 2022 года Мінгарсуд прысудзіў Арцёма да 11 гадоў калоніі ўзмоцненага рэжыму.
Арцем Пархамовіч быў даданы ў спіс экстрэмістаў.
Падтрымаць палітвязня лістамі можна на адрас: ВК №17 213004, г. Шклоў, вул. 1-я Завадская, 8. Арцему Пархамовічу.
Читать этот текст по-русски
Comments