top of page
Search

У Брэмене прайшла акцыя памяці ў гадавіну беларускіх пратэстаў 2020 года

У Брэмене 9 жніўня адбылася акцыя памяці, прымеркаваная да трэцяй гадавіны масавых пратэстаў, якія разгарнуліся ў Беларусі пасля сфальсіфікаваных уладамі прэзідэнцкіх выбараў.


Photo -Salidarnast
Удзельнікі акцыі

Больш за сорак жыхароў Брэмена сабраліся, каб выказаць павагу да смеласці беларускага народа, які бясстрашна выступіў за свае правы на сумленныя выбары. Замест мірнага дыялогу, рэжым Лукашэнкі прымяніў гвалт, звярнуўшыся па дапамогу тысяч сілавікоў з МУС, КДБ і Узброеных Сіл. Таксама стала вядома, што ў задушэнні пратэстаў былі задзейнічаныя расейскія сілавыя структуры.


Каля тэатра на Goetheplatz удзельнікі акцыі стварылі міні-выставу з фотаздымкамі тых падзей. Яны раздавалі мінакам флаеры з інфармацыяй аб сітуацыі ў Беларусі і ўстанавілі партрэты загінуўшых на акцыях пратэстаў, або памерлых у зняволенні.



Падтрымку беларусам выказалі прадстаўнікі ўкраінскай дыяспары, і часта побач са слоганам "Жыве Беларусь" гучаў таксама кліч - "Слава Украіне!". Падчас акцыі са сцэны не толькі гучалі прамовы, але і беларускія папулярныя песні, выкананыя Ірынай Кашталян.


Мерапрыемства прыцягнула жыхароў Брэмена, якія бралі ўдзел у эвакуацыі беларусаў, ратуючы іх ад пераследу на радзіме. Эрнэста Хардэр, лідар аб'яднання прафсаюзаў DGB Брэмен-Эльба-Везер, у сваёй прамове падкрэсліў гонар прафсаюзаў Германіі за падтрымку беларусаў у цяжкі час, і абяцаў прадоўжыць гэтую падтрымку.


Лізавета Мерляк, якая ўзначальвае Асацыяцыю "Салідарнасць", якая займаецца падтрымкай арыштаваных і асуджаных прафсаюзных актывістаў у Беларусі, падзялілася інфармацыяй аб цяперашняй сітуацыі ў краіне. Яна расказала пра сваіх таварышаў, якія знаходзяцца ў турмах і лагерах. Аб 1500 палітычных зняволеных, якія пакутуюць ад невыносных умоў і здзекаў.


Ernesto Herder and Lizaveta Merlak.
Эрнэста Хардэр і Лізавета Мерляк

Нягледзячы на тое, што многія прафсаюзныя актывісты вымушаны былі пакінуць Беларусь, многія з іх знайшлі ў Брэмене новы дом дзякуючы кіраўніцтву горада і Федэрацыі прафсаюзаў Германіі DGB:


- Наша салідарнасць і падтрымка дапамогуць вам у гэты цяжкі момант, калі рэжым спрабуе забыцца пра вас, замыкаючы вас у турмах. Салідарнасць з вамі – гэта салідарнасць з Беларуссю, якая змагаецца за свабоду ад дыктатуры. Свабоду ўсім палітычным вязням. Свабоду актывістам!

Акцыю падтрымалі амаль пяцьдзясят удзельнікаў, якія скончылі яе апладысментамі і слоганам "Жыве Беларусь". Завяршальнае выступленне Ірыны Кашталян стала фактычным фіналам мерапрыемства, яна выканала неафіцыйны гімн пратэстаў 2020 года – песню "Разбуры муры", заснаваную на мелодыі "L’Estaca" і песні польскай "Салідарнасці" барда Яцэка Качмарскага.


Арганізатарамі акцыі сталі актывісты брэменскай групы RAZAM e.V., якая аб'ядноўвае беларускіх грамадзян у Германіі. Акцыю падтрымалі сябры Асацыяцыі Salidarnast e.V., якая аказвае дапамогу лідарам і актывістам беларускіх незалежных прафсаюзаў, што знаходзяцца ў выгнанні.


Read this text in eng or рус

Commentaires


bottom of page