top of page
Search

Палітвязень Ганна Аблаб у турме адзначае дзень нараджэння

Updated: Mar 12, 2023

9 сакавіка супрацоўніца "Беларускай чыгункі" і палітвязень па справе «Рабочага Руху» адзначыць сваё 45 годзе. На жаль, гэты дзень яна сустрэне ў турме, дзе адбывае 11-гадовы прысуд.


An appeal in the case of the BKDP and the REP trade union will be considered in March
Ганна Аблаб

Ганну затрымалі 22 верасня 2021 года. Падставай стала завядзенне крымінальнай справы па артыкуле аб здрадзе дзяржаве (ч. 1 арт. 356 Крымінальнага кодэкса) супраць супрацоўнікаў беларускіх заводаў, якія падтрымалі стачку і ўваходзілі ў «Рабочы рух». Гэтая ініцыятыва 21 верасня 2021 г. была прызнана экстрэмісцкай, і адначасова па краіне прайшлі затрыманні працоўных. Ганну, таксама абвінавацілі ч. 3 арт. 361-1 КК (удзел у экстрэмісцкім фармаванні) і змясцілі ў СІЗА КДБ, затым перавялі ў СІЗА-3.


9 лістапада 2022 г. у Гомельскім абласным судзе пачаўся разгляд "справы Рабочага Руху", фігурантамі якога праходзілі адразу дзесяць палітвязняў. На другі дзень працэсу ўсе фігуранты справы заявілі суду, што сваю віну ў дзяржздрадзе і стварэнні экстрэмісцкага фармавання не прызнаюць. Усе фігуранты "справы Рабочага Руху" на судзе адмовіліся даваць паказанні. 27 снежня працэс закрылі да вынясення прысуду, хаця да гэтага ён праходзіў у адкрытым рэжыме.


17 лютага 2023 года быў вынесены прыгавор па гэтай справе. Суддзя Аляксандр Піскуноў прызнаў Ганну вінаватай і прызначыў ёй 11 гадоў пазбаўлення волі ў калоніі ва ўмовах агульнага рэжыму. У Ганны трое дзяцей, двое з якіх непаўналетнія.

Нядаўна ў Ганны з'явілася сімвалічная хросная, дэпутат нямецкага Бундэстага ад Партыі зялёных Беатэ Мюлер-Гемеке, у межах кампаніі Libereco #WeStandBYyou.





コメント


bottom of page