top of page
Search

Нарвежскія парламентарыі сталі "хроснымі" ў беларускіх палітвязняў

Сем нарвежскіх парламентарыяў з Сацыялістычнай левай партыі Нарвегіі (SV) сталі палітычнымі хроснымі для прафсаюзных актывістаў, якія знаходзяцца ў беларускіх турмах і лагерах.


У ліпені 2020 года арганізацыя Libereco запусціла кампанію салідарнасці пад хэштэгам #WeStandBYyou. У межах гэтай кампаніі еўрапейскія парламентарыі бяруць на сябе “хроснае бацькоўства” над палітычнымі вязнямі ў Беларусі.


Kirsti Bergstø
Кірсці Бергста, член нарвежскага парламента і лідар Сацыялістычнай левай партыі Нарвегіі

Кірсці Бергста, член нарвежскага парламента і лідар Сацыялістычнай левай партыі Нарвегіі, узяла на сябе хроснае бацькоўства над Аляксандрам Капшулем і заявіла:


"Аляксандр Капшуль быў заключаны ў турму за тое, што выступаў за дэмакратыю ў Беларусі. Страйкі з'яўляюцца законным сродкам, а справядлівасць залежыць ад моцных і рашучых прафсаюзаў. Я глыбока салідарная з мужнымі людзьмі ў Беларусі, якія працягваюць барацьбу за дэмакратыю, нягледзячы на пагрозу арыштаў і жорсткага гвалту. Я рашуча асуджаю парушэнні правоў чалавека з боку беларускай дзяржавы. Як “хросная” я заклікаю да неадкладнага і безумоўнага вызвалення Аляксандра Капшуля".

Marian Hussein is Member of the Norwegian Parliament
Марыян Хусэйн, член нарвежскага парламента

Марыян Хусэйн, член нарвежскага парламента, узяла на сябе хроснае бацькоўства над Аляксандрам Кандрацюком і заяўляе:


"Аляксандр Кандрацюк быў заключаны ў турму за тое, што выступаў за дэмакратыю ў Беларусі. Свабода слова – адно з асноўных правоў чалавека, а прафсаюзы з'яўляюцца законнымі і адыгрываюць вырашальную ролю ў барацьбе за справядлівасць. Я салідарная з мужнымі людзьмі ў Беларусі, якія працягваюць барацьбу за дэмакратыю, нягледзячы на пагрозу арыштаў і жорсткага гвалту. Я рашуча асуджаю аўтарытарную беларускую дзяржаву. Як хросная я заклікаю да неадкладнага і безумоўнага вызвалення Аляксандра Кандрацюка".


Audun Lysbakken is member of the Norwegian Parliament
Аўдун Лісбакен член нарвежскага парламента

Аўдун Лісбакен з'яўляецца членам нарвежскага парламента і ўзяў на сябе ролю хроснага Сяргея Сляжова і заяўляе:


“Я салідарны з Сяргеем Сляжовым, які быў зняволены за выкарыстанне свайго законнага права на свабоду слова. Прафсаюзы з'яўляюцца асновай любога справядлівага грамадства, і я падтрымліваю ўсіх мужных беларускіх людзей, якія выступаюць за дэмакратыю і справядлівасць. Я ўзяў на сябе хроснае бацькоўства над Сяргеем Сляжовым і патрабую неадкладнага вызвалення яго і іншых палітычных зняволеных у Беларусі".


Ingrid Fiskaa is member of the Norwegian parliament
Інгрыд Фіска член нарвежскага парламента

Інгрыд Фіска з'яўляецца членам нарвежскага парламента і ўзяла на сябе хроснае бацькоўства за Вольгу Барушка. Фіска заяўляе:


"Вольга Барушка была заключаная ў турму за тое, што выступала за дэмакратыю ў Беларусі. Свабода слова – гэта права чалавека, якое з'яўляецца асноватворным ва ўсіх дэмакратычных краінах. Я глыбока салідарна з Барушка і іншымі мужнымі прафсаюзнымі актывістамі, якія змагаюцца з парушэннямі правоў чалавека ў Беларусі. Як яе хросная я заклікаю да неадкладнага вызвалення Вольгі і іншых палітычных зняволеных у Беларусі".


Birgit Oline Kjerstad is member of the Norwegian Parliament
Біргіт Аліне К'ерстад – член нарвежскага парламента

Біргіт Аліне К'ерстад – член нарвежскага парламента. Яна ўзяла на сябе хроснае бацькоўства над Яўгенам Батурай і заяўляе:


"Яўген Батура быў заключаны ў турму за тое, што выступаў за дэмакратыю ў Беларусі. Мірны пратэст з'яўляецца законным правам і асноватворным для ўсіх дэмакратый свету. Я глыбока салідарная з Яўгенам і ўсімі мужнымі прафсаюзнымі актывістамі ў Беларусі, якія змагаюцца з аўтарытарнай дзяржавай. Як яго хросная я патрабую неадкладнага вызвалення Яўгена Батуры".


Freddy André Øvstegård is member of the Norwegian Parliament
Фрэдзі Андрэ Оўстэгорд з'яўляецца членам нарвежскага парламента

Фрэдзі Андрэ Оўстэгорд з'яўляецца членам нарвежскага парламента і ўзяў на сябе хроснае бацькоўства над Аляксеем Забіранам:


"Аліяксей Забіран быў заключаны ў турму за выкарыстанне свабоды слова – фундаментальнага права ва ўсіх дэмакратычных краінах. Я асуджаю парушэнні правоў чалавека беларускай дзяржавай і выказваю сваю поўную салідарнасць з Аляксеем і іншымі прафсаюзнымі актывістамі ў Беларусі, якія мужна адстойваюць дэмакратыю. Як яго хросны бацька я патрабую неадкладнага вызвалення Аляксея Забірана і ўсіх іншых палітычных вязняў Беларусі".


Andreas Sjalg Unneland is member of the Norwegian Parliament
Андрэас Сьялг Унеланд з'яўляецца чальцом нарвежскага парламента

Андрэас Сьялг Унеланд з'яўляецца чальцом нарвежскага парламента і ўзяў на сябе хроснае бацькоўства над Андрэем Шульгатам. Унеланд заяўляе:


“Андрэй Шульгат заключаны ў турму за тое, што ўзняў свой голас супраць аўтарытарнага рэжыму. Свабода слова з'яўляецца асноватворнай ва ўсіх дэмакратычных краінах. Я рашуча асуджаю парушэнні правоў чалавека беларускім рэжымам. Як ягоны хросны бацька я патрабую неадкладнага вызвалення Андрэя Шульгата і ўсіх іншых палітычных зняволеных. Беларусі".


На дадзены момант амаль кожны прафсаюзны лідар ці актывіст, які знаходзіцца ў турме, мае свайго «хроснага», які не забываецца на лёс свайго падапечнага. Нагадаем, што ў Беларусі палітычнымі зняволенымі лічацца больш за 1500 чалавек, у тым ліку больш за 40 лідараў і сябраў незалежных прафсаюзаў.


Read this text in eng or рус

Commenti


bottom of page