Nov 17, 20221 min
17 лістапада ў Вільнюсе, каля амбасады Рэспублікі Беларусь у Літоўскай Рэспубліцы, адбыўся пікет у знак салідарнасці з палітычнымі вязнямі Беларусі.
Прадстаўнікі літоўскага прафсаюза «Салідарумас» зладзілі пікет у знак падтрымкі арыштаваных лідараў незалежных прафсаюзаў Беларусі і супраць свавольства рэжыму Лукашэнка. За апошні год у турмах аказаліся бліз чатырох дзясяткаў беларускіх прафсаюзных дзеячаў.
Сярод іх старшыня Беларускага Кангрэсу дэмакратычных прафсаюзаў Аляксаднр Ярашук, яго намеснік Сяргей Антусевіч і віцэ-старшыня БНП Аляксандр Мішук.
Менавіта з іх партрэтамі стаялі літоўскія браты і сёстры перад пасольствам суседняй краіны, скандуючы – Жыве Беларусь!
У пікеце прымалі ўдзел старшыня прафсаюза Крысціна Крупавічене, яе намеснік Рымтаўтас Раманаўскас, прафсаюзны лідар Станіславас Федаравічус і іншыя актывісты.